BUKIDNON – Napasakaan na og kasong paglapas sa RA 9165 o Comprehensive Dangerous Drugs Act of 2002 ang mga suspetsadong nadakpan sa Purok 1, Barangay Aglayan, Malaybalay City, banda alas 4:39 sa hapon Abril 12, 2025.
Ang mga suspetsado, gibana-banaang nag-edad og 24 ug 18 anyos kansa giilang sila alyas Jun ug ang kauban niining si alyas Bong.
Gumikan sa maong operasyon, nasakmit sa otoridad ang 15.74 ka gramos sa droga nga mukabat sa P102,00.00 ang kantidad, lakip niini ang kwarta nga P500.00, usa ka pitaka ug usa ka yunit sa motor nga adunay plate No. 101-0005200.
Sa pikas bahin, balhog sa bilanguan human nakumpiska ang 4.8 gramos sa droga nga gibana-banaang mubalor og Php32,640.00 nga kantidad gikan sa usa ka lalaki nga giilang si alyas Jayson, 27 anyos residente sa Purok 4, Barangay Poblacion, Lantapan, Bukidnon.
Subling nagpahinumdom si PCOL. Juvit Culaway, direktor sa Provincial Police Office, nga likayan ang paggamit og droga aron dili maguba ang pamilya lakip na ang kaugmaon sa katilingaban.