Nakumpiska sa kapulisan ang shabu nga nagkantidad og P136,000 sa Purok 1, Barangay San Miguel, Maramag, alas 12:06 sa kaadlawon, ning adlawa, Setyembre 30, 2025.
Ang dinakpan giila nga si alias “Jeje”, lalaki, 44 anyos. Lakip sa nakumpiska sa kapulisan ang unom (6) ka pakete gituohang shabu, P1,000 nga kwarta, usa ka brown nga pitaka, usa ka android smart phone ug usa ka itom nga sakyanan.
Ang nakumpiskang illegal nga droga adunay gibug-aton nga 20 gramos ug mibalor sa standard drug price nga P136,000.
Ang suspek uban sa nakumpiskang ebidensya gidala sa Maramag Municipal Police Station alang sa dokumentasyon ug hustong disposasyon.
Samtang ang ebidensya sa droga ipailalom sa eksaminasyon sa Provincial Forensic Unit.
Gaatubang karon ang dinakpan sa kasong paglapas sa Section 5 ug 11 sa Republic Act 9165 o Comprehensive Dangerous Drugs Act of 2002.