Gisang at sa Makabayan bloc sa Kamara ang usa ka sugyot balaodnon nga nagtumong sa pagtaas sa minimum wage sa pribadong sektor ngadto sa P1,200 matag adlaw, sa tibuok nasud.Ang House Bill (HB) 2599, nga gusto ipalabang ni ACT Teachers Partylist Rep. Antonio Tinio ug Kabataan Partylist Rep. Renee Co, naglakip usab sa plano nga amanedahan ang Labor Code, wagtangon ang mga Regional Wage Boards, ug magtukod og usa ka National Wages and Productivity Board nga mao na’y magbuot sa minimum wage sa nasud.
Kini nga giduso human napakyas ang 19th Congress sa pag-apruba sa P200 nga umento sa sa suhulan, ug gitumong aron masiguro nga makatarunganon diin adunay insakto nga kinitaan ang mga mamumuo.Sa maong sugyot balaodnon, gipasabot nga ang P1,200 nga minimum wage bastante kini sa panginahanglan sa usa ka pamilya, apil na ang physiological, social, ug ubang importante nga gasto, aron makab-ot ang desente nga kahimtang sa kinabuhi, dili lamang ang kagutom ang gisulbad niini.
Sa panahon nga ang maong balaodnon maaprobahan, ang buot pasabot nga hingpit gilayon kini nga mapatuman sa tanang rehiyon, nga magahatag og standardized ug patas nga sweldo alang sa tanang empleyado sa pribadong sektor.