P1.1M nga balor sa shabu nakuha sa buy-bust operation sa Kalilangan

Nasakmit sa usa ka mag-uuma ang shabu nga nagkantidad og P1,141,800 human buy-bust operation sa Purok 1A, Bang-bang, Kalilangan, Bukidnon. Nadakpan ang suspek nga nailhan nga si alyas Edon, 31 anyos, ulitawo ug residente sa Purok 8, Capinuan, Cabanglasan, Bukidnon.

Nakuha gikan sa suspek ang duha ka dagkong heat-sealed transparent sachets sa gituohang shabu nga adunay kinatibuk-ang gibug-aton nga 167.8 gramos. Apil usab sa nasakmit ang P1,600 nga buy-bust money, usa ka cellphone, usa ka motorsiklo, ug uban pang personal nga butang. Gipahimutang karon ang suspek sa lock-up cell sa Kalilangan Municipal Police Station samtang ang nakumpiskar nga mga illegal nga druga gi-turn over sa Provincial Forensic Unit para sa laboratory examination.