Gipatuman na karon ang dugang nga uno pesos (P1.00) nga usbaw sa pletihan alang sa rota gikan sa Poblacion paingon sa Landing Area ning dakbayan sa Malaybalay.
Kini nga lakang gihimo isip tubag sa padayong pagsaka sa presyo sa mga produktong petrolyo nga nakaapekto sa sektor sa transportasyon.
Sumala sa taho, ang maong dugang pletihan gipatuman gawas sa uban pang mga adjustments nga nagdepende sa kasamtangang lihok sa presyo sa gasolina sa merkado.
Tumong niini nga matabangan ang mga drayber nga makasugakod sa taas nga gasto sa operasyon samtang gisiguro nga magpabilin ang serbisyo sa publiko.
Giawhag ang mga biyahedor nga makig-alayon ug mosubay sa opisyal nga fare matrix aron malikayan ang kalibog ug masiguro nga husto ang ginasingil nga plete.
Gilauman usab nga padayon nga bantayan sa lokal nga kagamhanan ang sitwasyon aron mabalanse ang panginahanglan sa mga drayber ug ang katakus sa mga pasahero sa pagbayad.