Mitaliwan na ang iladong rock star nga si Ozzy Osbourne sa edad nga 76 anyos.
Gikumpirma sa iyang pamilya ang kamatayon sa lead vocalist sa legendary heavy metal band nga Black Sabbath.
Si Ozzy, natawo isip John Michael Osbourne niadtong Disyembre 3, 1948 sa Birmingham, England, mao ang kinamanghuran sa upat ka managsuon.
Ang iyang inahan usa ka factory worker samtang ang amahan usa ka toolmaker nga nagtrabaho sa gabii. Sa pagkabata, interesado siya sa teatro, apan nahingpit ang iyang kadasig sa musika human makadungog sa banda nga The Beatles.
Niadtong 1969, uban sa gitaristang si Tony Iommi, bassist Geezer Butler, ug drummer Bill Ward, gitukod ang Black Sabbath nga nailhan sa bug-at nga bass riffs, agresibong tingog, ug madulom nga mga tema.
Sila ang giila nga haligi sa heavy metal genre. Gumikan sa iyang bisyo, natangtang sa banda si Ozzy ug nagsugod sa solo career.
Apan niadtong 2006, nagkahiusa pag-usab ang banda sa ilang Rock and Roll Hall of Fame induction.
Isip solo artist, si Ozzy mi-release sa daghang mga album lakip na ang classic nga “The Blizzard of Ozz” niadtong 1980 ug ang “Ordinary Man” niadtong 2020, nga misaka dayon sa music charts.
Sa tibuok niyang karera, mikabat sa kapin 100 milyon Niadtong 2020, gipahibalo ni Ozzy nga siya adunay Parkinson’s disease, nga nakaapekto sa iyang mga konsiyerto ug public appearances.
Sa unang bahin sa Hulyo 2025, naghimo sila og farewell show uban ang uban pang mga iladong banda sa wala pa mitaliwan si Ozzy.