Ozzy Osbourne, frontman sa Black Sabbath mitaliwan na sa edad nga 76 anyos

Gikonsidera ni Kelly Osbourne nga  nawadaan siya og suod nga higala human sa kamatayon sa iyang amahan nga si Ozzy Osbourne.

Sa iyang social media account, mi-post pa siya og lyrics sa kanta sa Black Sabbath nga “Changes.”

Ang maong kanta unang gipagawas sa ilang album nga “Vol. 4” niadtong 1972 ug ilang gibalik og record ni Kelly ug Ozzy niadtong 2003.

Nailhan usab kini nga kanta tungod sa ilang reality TV show nga “The Osbournes,” nga nagdagan gikan 2002 hangtod 2005.

Si Ozzy nailhan nga “Prince of Darkness” isip lead vocalist sa Black Sabbath. Kahinumduman nga namatay ang singer sa edad nga 76 anyos.