Mag-atbang sa finals sa WTA 125 Philippine Women’s Open sila si Camila Osorio sa Colombia ug Donna Vekic sa Croatia karong adlawa, Enero 31, 2026.
Kini human gipildi ni World number 84 Osorio si Solana Sierra sa semifinals sulod lamang sa 46 ka minuto sa score nga 6-0, 6-1.
Samtang ang World number 72 nga si Vekic, gipalagpot usab si Tatiana Prozorova sa Russia sa semifinals round sa score nga 6-2, 6-4.
Kini na ang ikaduhang higayon nga mag-abot sa ilang professional career sila si Osorio ug Vekic, diin ipahigayon ang dula sa Rizal Memorial Stadium.
Sa ilang unang panag-atbang niadtong Cincinnati 2022 qualifiers, nidaog si Vekic sa score nga 7-6(6), 6-3.
Kahinumduman nga gipildi ni Osorio ang pambato sa Pilipinas nga si Alex Eala sa quarterfinals niadtong Enero 29.