Gitun-an karon sa mga lokal nga lideres sa Bukidnon ang pagduso sa usa ka ordinansa nga magbawal sa Boss Iron Man Endurance Challenge sa probinsya.
Kini human sa sunod-sunod nga mga disgrasya nga nalambigit ang mga partisipanteng motorsiklo sa maong kalihokan niining tuig 2026.
Gawas sa pagdili, gimbestigahan usab kon aduna ba gayud silay klarong permit ug koordinasyon sa mga awtoridad sa dili pa gipahigayon ang maong long-distance motorcycle activity.
Sumala ni Atty. Abba Garcia atol sa sesyon sa Sangguniang Panlalawigan, ang maong event nga miagi sa nagkalain-laing bahin sa Mindanao, lakip ang Bukidnon, nahimo nang dakong isyu sa kaluwasan sa publiko.
Samtang subay dakong ride event sa BMW Society, nahimong usa sa mga official stops ug checkpoints ang dakbayan sa Valencia.
Tungod niini, daghang ang mga riders nga misulod sa siyudad sa mubo lamang nga panahon.
Matud sa mga lokal nga opisyal, ang maong kalihokan nagdala og dugang kahuot sa trapiko sa mga nag-unang dalan sa dakbayan.
Gawas sa trapiko, gipahibalo usab ang posibleng risgo niini dili lang sa mga motorista kon dili lakip na sa mga pedestrian nga anaa sa palibot.
Gikumpirma ni Barangay Kagawad Tristan Borbon sa Barangay Poblacion nga nakig-alayon ang BMW Society sa lokal nga kagamhanan aron himoong opisyal nga stopover ang Valencia.
Ang maong koordinasyon gihimo aron masiguro nga hapsay ang dagan sa kalihokan bisan pa man sa hagit sa trapiko nga nasinati sa siyudad.