Gipatuman sa City Traffic Management Center ang one way traffic policy sa nagkalain-laing kalsada nga dool sa mga sementeryo sa dakbayan karong adlawa aron mapadayon ang hapsay nga agianan sa mga motorista ug malikayan ang trapiko sa panahon sa pagbisita sa mga sementeryo.
Sa pakighinabi sa Bombo Radyo Malaybalay kay Marcelino Suazo, traffic enforcer sa syudad nga gilauman nga modagsa ang katawhan karong adlawa, ilabi na sa mga sementeryo tungod sa pag-obserba sa Undas
Matud pa ni Suazo, ang pagpatuman sa one-way policy tumong nga mapadali ang dagan sa trapiko ug malikayan ang kalangan sa mga dapit duol sa mga sementeryo. Giingon usab niini nga fully prepared ang traffic team sa posibleng kadaghanon sa mga tawo ug sakyanan.
Gipahimangnoan sa CTMC ang publiko nga tumanon ang mga signage ug traffic advisory nga gibutang sa nagkalain laing parte sa dakbayan aron malikayan ang disgrasya.
Ang pagpatuman sa maong polisiya kabahin sa coordinated security and traffic plan sa dakbayan alang sa luwas nga Undas 2025.