Gimando ni Ombudsman Jesus Crispin “Boying” Remulla ang temporaryong pagbawi sa mga kasong konektado sa Pharmally Pharmaceutical Corporation nga kasamtangang anaa sa Sandiganbayan, aron masusi pag-ayo ang mga dokumento ug ebidensya nga gisumite.
Sumala sa Ombudsman, ang maong direktiba mao ang unang lakang sa internal review nga naglangkob sa rebyu sa witness testimonies, kontrata, ug procurement records nga may kalabutan sa COVID-19 supplies.
Gipasabot ni Remulla nga tumong niini mao ang paglikay sa mga legal technicalities ug aron masiguro nga limpyo ug lig-on ang kaso sa dili pa kini iduso sa korte.
Dugang pasa Ombudsman, wala kini nagpasabot nga gidid-an ang mga kaso, kundili gipalig-on lang ang pamaagi sa imbestigasyon alang sa mas klaro ug epektibong resulta batok sa mga opisyal ug supplier.
Gitahasan usab niini nga ang tanan nga imbestigador nga nalambigit sa unang pagsumite sa kaso nga ipailawom sa internal audit, aron masiguro ang neutralidad ug integridad sa proseso.
Samtang niining adlawa, gilauman usab nga ipagawas sa Office of the Ombudsman ang usa ka bag-ong memorandum nga nagtugot sa halapad nga access sa publiko sa Statement of Assets, Liabilities, and Net Worth kon (SALN) sa mga opisyal sa gobyerno, lakip na ang SALN ni Pangulong Ferdinand “Bongbong” Marcos Jr.
Matud ni Remulla, kini nga lakang usa ka konkretong pamaagi sa transparency ug accountability, ug gisiguro nga mosunod kini sa balaod sa data privacy pinaagi sa koordinasyon sa Civil Service Commission kon (CSC) ug Department of Justice kon (DOJ).
Ang maong memorandum gilauman nga makapalig-on sa pagsalig sa katawhan sa buhatan sa Ombudsman ug sa tibuok sistema sa hustisya sa nasud.