Subling nagpabiling lig-on ang baruganan ni Ombudsman Jesus Crispin Remulla nga aduna kini kopya sa warrant of arrest batok kang senador Bato Dela Rosa.
Apan giduso niini nga dili pa mamahimong ipaambit sa publiko ang maong dokumento humikan anaa kini sa iyang cellular phone.
Matud ni Remulla dili kini ang opisyal nga kopya busa dili pa mamahimong ipadayag sa tanan ug hulaton ang pormal nga proklamasyon sanglit ipagula na ang opisyal nga kopya.
Nagdumili usab kini sa paghatag og detalye kung diin ug giunsa paghkuha sa Ombudsman ang maong papeles.
Samtang, kamatikdan usab nga wala mitambong sa padayon nga session sa kongreso si Senador Ronald Bato Dela Rosa, diin nagpalapad sa ekspekulasyon kabahin sa gikaingong warrant of arrest nga gi-isyu sa International Criminal Court (ICC).
Subay niini, ginatangan karon sa katawhan ang tubag o lakang sa senado sanglit mugula ang opisyal nga kopya niini.
Apan maisugon usab nga miatubang sa publiko ang senador diin gipaambit niini ang iyang bahin ug pagngandam sa maong isyu.
Samtang, hingpit nga gipadayag sa sa International Criminal Court nga ang tanang aplikasyon o para sa arrest warrant kon summon, magpabiling under seal ug confidential isip kabahin sa standardization sa proseso sa korte.
Subay sa bag-ong regulasyon nga ang tanang matang gikan sa Office of the prosecutor nakasekreto, hangtod dili tugutan sa korte ngq ipagawas ang impormasyon.
Kabahin niini, aduna usab discretion ang mga chambers lakip na ang Pre- trial chamber 1 diin maoy nagunut karon sa kaso sa kanhi pangulong Rodrigo Duterte, ug ang adunay katungod nga ibutyag sa publiko ang warrant aron malikayan ang krimen o aron madali ang pag-aresto.
Ipadala matud pa ang maong bag-ong regulasyon sa 125 ka miyembro sa Rome Statute alang sa komento sulod sa 6 ka bulan ug magpabiling epektibo kung walay mubabag. Matud ni ICC Accredited Lawyer Assistant to Counsel Kristina Cinti, ang maong regulasyon mamahimong i-aplikar sa kasong giatubang ni swnador Ronald Bato Dela Rosa diin maoy target sa arrest warrant.