Gidawat sa Office of the Ombudsman ang pagpagawas sa warrant of arrest batok sa kanhi Ako Bicol Party-list Rep. Zaldy Co ug uban pang giakusar sa kalapasan, human kini ipagula sa korte atol sa nagpadayong imbestigasyon sa kontrobersyal nga isyu. Sa pahayag ni Ombudsman Jesus Crispen Remulla, gisalig niini sa mga law enforcement agencies ang pagpatuman sa maong mando. Gipahibalo usab nga magmugna sila og special investigation team aron masiguro nga walay pagpalabi sa pagdumala sa mga reklamo nga may kalabotan sa korapsyon.
Gipasabot sa buhatan nga “collegial in nature” ang proseso, diin kolektibong paghan-ay ug pag-review sa mga dokumento ang sundon. Usa ka komitiba ang pormahon aron tukion ang reklamo, tubag, ug uban pang reklamo sa dili pa kini ipasaka sa preliminary investigation. Matod sa Ombudsman, kinahanglan sa hapsay ug kompleto nga case build-up sa fact-finding aron masiguro nga lig-on ang ebidensiya nga ipasaka sa korte. Gitakdang pagadisisyunan sa ilang opisina karong Nobyembre 24 kung kanus-a sugdan ang maong fact-finding investigation.
Gilauman nga mahuman ang imbestigasyon sulod sa lima ka bulan, ilabi na nga daghan na ang nabug-atan nga daang kaso nga nahinayhinay’g naukayan sukad sa iyang paglingkod. Gipunting usab sa buhatan nga unahon ang mga kasong may kalambigitan sa Judiciary Information System aron malikayan ang “weaponization” sa Office of the Ombudsman, ilabi na sa administrative cases.