Oil Price adjustment ipatuman sugod ugmang adlawa

Masaksihan sa mga konsumidor ang laing hugna sa pag-usbaw sa presyo sa diesel ug kerosene, samtang gamay nga rollback sa gasoline sugod ugmang adlawa.

Base sa monitoring sa Department of Energy (DOE) gikan sa unang upat ka adlaw nga trading sa lana sa merkado. Ang presyo mao ang musunod sa Diesel musaka og P0.80 kada litro. Kerosene musaka og P0.45 kada litro ug Gasolina moubos og P0.05 kada litro.

Matud pa sa DOE Oil Industry Management Bureau, ang maong lihok sa presyo gumikan sa nagpadayong tensyon sa kalibutan ug ang pag-usab sa demand sa lana gikan sa mga dagkong ekonomiya sama sa Estados Unidos, European Union ug China.