OFW nga taga Pangantucan, Bukidnon na apil sa aksidente sa nasud sa Dubai

Luwas na ang kahimtang diin nagpaalim na sa balay tambalanan ang Pinay nga nalakip sa aksidente sa Dubai.

Giila ang biktima nga si Mary Joy Paciente, residente sa Pangantucan, ug OFW sa nahisgutang nasud.

Base sa nakalap nga impormasyon sa Bombo Radyo Malaybalay, gikan sa family outing sa Al Ain’s Al Razeen ang pamilya nga gitrabahoan ni Paciente, nahitabo ang maong aksidente nga miresulta sa kamatayon sa 3 ka miyembro sa pamilya.

Samtang naluwas ang duha pa ka mga anak sa maong pamilya ug ang OFW nga si Paciente.

Kasamtangan anaa sa balay tambalanan ang tanang nakalingkawas sa insidenti diin padayon nga giatiman sa mga mananambal.