Gipangusgan karon sa Katolikong Simbahan ang panawagan nga angayan mapalabang ang Anti-Political Dynasty Law.
Sa pakighinabi sa Bombo Radyo Malaybalay kang Most Rev. Noel Portal Pedregosa, D.D., Obispo sa Diocese of Malaybalay City, Bukidnon, miluwat kini nga kung magpadayon ang dominasyon sa pipila ka pamilya sa politika, mapugngan ang kahigayunan sa mga indibidwal nga adunay tinuoray ug matinud-anong tinguha sa pag-alagad sa katawhan.
Matud pa ni Most Rev., nga taliwala pa sa nagkalain-laing kaguliang nga gakahitabo sa nasud lakip na ang sunod-sunod nga mga kalamidad, ug mga isyu sa korapsyon hinungdan nga dili angay mawad-an og paglaom ang katawhan.
Gidugang sa Obispo, nga mas angay nga mapalabang sa labing madali nga panahon ang Anti-Political Dynasty Law aron masiguro ang patas nga partisipasyon sa politika ug mapalambo ang kultura sa responsableng pagpili sa mga lider.
Padayon usab ang panawagan alang sa mas lig-on nga transparansiya ug accountability sa tanang opisyal sa gobyerno.
Apan kabahin sa mga panawagan nga ipa-resign si Presidente Ferdinand Marcos Jr.,, mipdayag si Bishop Pedregosa, nga dili kini pabor niini, hinungdan nga kung mapamatud-an nga nalambigit kini sa maong korapsyon, angayan kining ipapanubag.