Gipadayag ni Sen. Sherwin Gatchalian nga walay balaod sa Senado nga nagpatuman og “no work, no pay” bisan pa sa padayon nga pagka-absent sa usa ka senador.
Matud niini, makadawat gihapon sila og sweldo bisan dili mutambong, apan obligasyon nilang mosumite og excuse letter aron masayra ang rason sa sa kapakyasan sa ilang presensya alang sa pagsusi sa kasamtangang estatado sa Senado.
Nalungkat ang maong isyu human pangutan-a si Gatchalian bahin sa dugayng pagkawala ni Sen. Ronald “Bato” dela Rosa sa pipila ka mga sesyon sa senado sukad pa niadtong bulan sa Nobyembre.
Matud ni Gachalian, wala makadawat bisan usa ka opisyal nga komunikasyon gikan kang dela Rosa ang finance committee nga iyang gipangulohan, gawas lang sa mensahe sa staff nga dili kini makatambong ug nihangyo matud pa sa siya na lamang ang mudepesa sa budget.
Gikatakda unta si Sen. Ronald “Bato” dela Rosa nga mudipensa sa 2026 budget sa Department of National Defense, apan si Sen. Sherwin Gatchalian ang mitake over tungod sa taas nga pagkawala niini sukad pa niadtong Nobyembre 10.