NFA, gipagaan ang proseso sa pagpalit og palay alang sa mga mag-uuma

Gipahibalo sa National Food Authority (NFA) ang pagpatuman sa mas gipagaan nga proseso sa pagpamalit og palay aron mas modako ang kita sa mga lokal nga mag-uuma.

Sumala ni NFA Administrator Larry Lacson, ang maong lakang nagtumong sa pagpasayon sa mga rekisitos sa pagbaligya sa ani karong ting-ani.

Ubos sa bag-ong kamanduan, dawaton na sa NFA ang mga dry and clean nga palay nga adunay moisture content nga 11 hangtod 14 porsyento, nga kaniadto limitado lang sa 12 porsyento.

Kini nga kausaban aron masiguro nga ang mga mag-uuma makakuha og saktong presyo gikan sa gobyerno nga walay bug-at nga babag sa mga karaan nga sumbanan.