Gideklara nga Blue Alert status ang nasud sumala sa National Disaster Risk Reduction and Management Council (NDRRMC) isip pagpangandam sa May 12 National ug Local Elections.
Nagpasabot kini nga ang katunga sa mga disaster officials nga naka standby alang sa paspas nga pagkaresponde sa bisan unsang emergency o kakulian. Samtang ang Office of Civil Defense (OCD) gipaambit ang memorandum diin gipahamtang ang Blue Alert status sugod alas 8 sa buntag sa May 9 hangtod alas 8 sa buntag sa May 14 aron masiguro ang hapsay nga koordinasyon sa mga ahensya atol sa eleksyon.
Sa pikas bahin ang mga opisyal gikan sa Armed Forces of the Philippines (AFP), Bureau of Fire Protection (BFP), Philippine Coast Guard (PCG), ug Philippine National Police (PNP) magbantay sa NDRRMC Operations Center aron motubag sa hangyo gikan sa regional disaster councils aron makatabang sanglit dunay mga insidente.
Gawas pa niini, gibantayan usab sa PNP ang mga lugar nga adunay natalang kasamok nga may kalabutan sa eleksyon. Nanawagan ang OCD sa publiko nga magpabiling magbinantayon ug makig-alayon sa mga otoridad aron masiguro ang malinawon, luwas, ug hapsay nga eleksyon