Nagpadayon ang National Bureau of Investigation (NBI) sa pagpangita sa ebidensya sa duha ka condominium units sa kanhing kongresista nga si Zaldy Co sa Bonifacio Global City, nga may kalabutan sa giingong bid-rigging sa flood control projects.
Gikumpirma ni NBI officer-in-charge Angelito Magno nga nakakita sila og dokumento, apan wala pa matino kung magamit kini isip ebidensya.
Sumala ni Magno nga confidential pa ang mga dokumento samtang wala pa kini mahatag sa korte.
Molungtad ang inspeksyon sulod sa 14 ka adlaw, gikan alas 8 sa buntag hangtod alas 5 sa hapon, ug anaa ang korte ug abogado ni Co.
Dugang pa niini, nga puwede lamang susihon ang mga butang nga nakaplagan; kung adunay vault, kinahanglan kini bulag nga search warrant.
Gitudlo sa whistleblower ug sa kanhing district engineer ang condo isip lugar diin gidala ang giingong kickbacks gikan sa flood-control projects.