Gikondena ni North Atlantic Treaty Organization (NATO) Secretary Mark Rutte ang nagpadayon nga agresyon sa Russia batok sa Ukraine, ilabina ang walay hunong nga pagpaulan og ballistic missiles nga tumong ang energy sector sa nasud.
Ang hiniusang missile ug drone strikes miigo sa mga power plants ug uban pang imprastraktura sa Kyiv ug sa pipila ka lugar sa Ukraine.
Sumala kang Ukraine President Volodymyr Zelensky, gipili matud pa sa Russia ang teror ug pagpasamot sa tensiyon kaysa sa diplomasya aron mahunong na ang giyera.
Gumikan niini, nanawagan siya sa mga kaalyadong nasud nga higpitan pa ang pressure batok sa Russia aron mapugngan ang padayong pag-atake.
Mibisita si Rutte sa Ukraine diin nakigkita siya kang Zelensky ug sa pipila ka mga miyembro sa parliament sa Ukraine, ug iyang gipahayag ang lig-on ug padayon nga pagsuporta sa NATO alang sa Ukraine.