Gilusad karung adlawa, Huwebes, Marso 19 ang usa ka nationwide transport strike sa nagkalain-laing transport groups isip protesta sa walay hunong nga pagsaka sa presyo sa lana nga dala sa tensyon sa Middle East.
Hugot nga gipanawagan sa mga drayber ug operator ang dinaliang aksyon gikan sa kagamhanan.
Sumala pa sa maong grupo dili na makaya ang bug-at nga pas-anon tungod sa kamahal sa petrolyo, dungan pa sa reklamo sa kalangan sa pagpagawas sa gisaad nga ayuda.
Matod pa ni ACT Teachers Rep. Antonio Tinio scripted ang pagbawi sa Presidente sa ipatuman unta nga usbaw sa plite ug wala usab supporta nga nadawat ang mga driver dugang pa niini nga dili igo ang ayuda nga ginahatag sa gobyerno.
Sa pikas bahin, gipasalig sa Metro Manila Development Authority (MMDA) nga naka-alerto na ang Emergency Operations Center aron bantayan ang sitwasyon ug maseguro nga dili magansi ang mga komyuter.
Matod ni MMDA General Manager Nicolas Torre III, padayon na mga gimonitor ang mga hotspot areas diin gipahigayon ang mga protesta.Â