Nation’s Girl Group BINI, magpahigayon og duha ka anniversary concert karong tuiga

Magpahigayon og duha ka anniversary concert ang sikat nga grupong BINI nga giulohan og “Signals” karong tuiga.

Ang unang konsiyerto ipahigayon karong Hunyo 20, nga pagasundan usab sa ikaduhang pasundayag karong Hulyo 11.

Gawas sa maong mga concert, i-anunsyo usab ang grupo mahitungod sa umaabot nga bag-ong musika pinaagi sa hashtag nga #BINI_SignalsEP.

Apan sa pagkakaron, wala pa’y dugang detalye nga gipagawas kalabot niini  ug sa mga gikatakdang pasundayag.

Kahinumduman nga gipagawas sa BINI ang ilang album nga Flames niadtong 2025, diin nalakip ang mga kantang “Sweet Tooth,” “First Luv,” “Paruparo,” ug “Shagidi.”

Niining bulan lang sa Marso, gilusad usab niini  ang pinakabag-ong single nga giulohan og “Unang Kilig.”