Nakighiusa ang lokal nga pangagamhanan sa lungsod sa pagsiga og kandila karung Mayo aron ipadayag ang kasingkasing nga suporta sa mga buhi nga nagpuyo uban sa HIV/AIDS, ug paghinumdom sa mga kinabuhi nga napawong tungod sa maong balatian. Gipasiugdahan sa Valencia City Local AIDS Council ug City Health Office, ang kalihukan na mitutok sa tema nga “We Remember. We Rise. We Lead.”
Usa ka panawagan sa tanang sektor sa komunidad nga mokabat batok sa stigma, makusog sa edukasyon, ug molihok isip lider sa kampanya batok HIV/AIDS. Matod sa usa ka youth advocate nga mitambong, ang kandila nga maong nagsiga nagpasabot sa kahayag sa paglaum ug panaghiusa. Gitambongan kini sa mga health workers, LGBTQIA+ organizations, ug mga kabatan-onan nga nanaghiusa sa usa ka misa ug seremonya sa pagsiga og kandila, nga nagpakita sa katahum sa panaghiusa sa taliwala sa kasakit ug kasinatian sa mga apektado.
Mibisita sab si Glofelia Uayan, Assistant Regional Director for Operations sa DSWD Field Office 10, nga miisa sa papel sa nasyonal ug lokal nga pamahalaan sa kampanya sa awareness ug stigma reduction. Gipatugbaw usab sa kalihukan ang mga programa sa City Health Office sama sa Libreng HIV testing, Pre ug post-test counseling, Community education sa kabatan-onan. Ang International AIDS Candlelight Memorial, usa ka tinuig nga kalihukan nga ginaselebrar matag ikatulong Domingo sa Mayo, nagpabiling importante nga pahinumdom nga dili kita nag-inusara sa pakigbisog batok sa HIV/AIDS — ug nga ang paglaum buhi pa.