Nagkadaiyang Nasud, nanawagan alang sa kalinaw tali sa Afghanistan ug Pakistan

Naghiusa ang nagkalain-laing nasud sama sa Iraq, Qatar, Egypt, ug Turkiye, uban ang International Committee of the Red Cross (ICRC), sa pagpatuman og dinalian nga peace talk tali sa Afghanistan ug Pakistan.

Kini nga lakang gihimo tungod sa nagkagrabe nga tensiyon sa utlanan sa duha ka nasud nga miresulta na sa daghang kinabuhi nga nakalas.

Nasayran nga nagsugod ang tensyon sa miaging tuig tungod sa mga gipahigayon nga air strikes sa Pakistan sulod sa teritoryo sa Afghanistan.

Ning bag-ohay lang, mibalik pag-ulbo ang kagubot human gilusad sa Pakistan ang mga pag-atake batok sa mga kuta sa grupong ISIS.

Kini nga operasyon maoy tubag sa Pakistan human sa nahitabong suicide bombing sa ilang nasud nga gitoohang binuhatan sa maong grupo