Nadine Lustre andam nang magpakasal

Gipadayag ni Nadine Lustre nga makita na niya si Christophe Bariou isip iyang maka-uban sa tibuok kinabuhi human sa upat ka tuig nilang panag-uyab.

Sumala sa aktres nga bisan dili perpekto ang iyang uyab, para kaniya luwas ang iyang pagbati sa ilang relasyon.

Dugang pa ni Nadine nga wala sila nagdali sa pagminyo gumikan nagpokus sila sa personal nga pagtubo ug sa ilang mga tumong, ilabi na nga nagtinabangay sila sa negosyo.

Gibutyag usab ni Nadine nga nakahunahuna siya nga makasal sa tukmang panahon. Pangandoy niini ang simple lang nga kasal uban ang suod nga pamilya ug mga higala.