Myembro sa European Union, mibisita sa lungsod sa Impasugong

Mibisita sa lungsod sa Impasug-ong ang usa ka 16 ka myembro sa European Union isip kabahin sa EU SPADE Project field visit kon European Union – Support to the Philippine Agriculture Development, usa ka programa nga nagpunting sa pagpalig-on sa sektor sa agrikultura ug rural development sa nasud.

Tumong sa pagbisita ang potensyal nga pakigtimbayayong tali sa lokal nga kagamhanan ug sa European Union, hilabi na sa mga proyekto nga magpausbaw sa panginabuhian sa mga mag-uuma ug magpalig-on sa sustainable ug climate-resilient nga mga programa.

Samtang gipadayag usab sa delegasyon ang ilang pagdayeg sa Impasug-ong, sa lig-on nga pagpanalipod sa kultura, ug sa mga inisyatibo nga gidumala mismo sa komunidad.