Gibanabana nga mukabat sa $20 bilyon nga pagkalugi sa kada tuig nga kita ang resulta sa dakong kadaut sa pinakadako nga liquefied natural gas (LNG) facilities sa Qatar.
Misunod kini human sa mga pag-atake sa Ras Laffan Industrial City nga nagpasamot sa kadaut sa mga pasilidad sa LNG sa nasud.
Tungod sa insidente, mikunhod og 17% ang kapasidad sa pag-export sa LNG sa Qatar, ug gilauman nga moabot og 3 hangtod 5 ka tuig ang pag-ayo sa mga nadaot nga imprastruktura.
Apektado sa pag-atake ang duha sa 14 ka LNG train sa nasud ug usa ka gas-to-liquids (GTL) facility, nga hinungdan sa pagkunhod sa produksyon og 12.8 milyong tonelada matag tuig.
Tungod niini, misaka ang presyo sa enerhiya sa tibuok kalibutan tungod sa kakulang sa suplay gikan sa Qatar.