Subling nagpagawas og abo ang Bulkang Kanlaon sa Negros Island karong adlawa, Enero 6, 2026, takna alas 5:55 sa buntag.
Ang maong pagbuga og abo miabot og 350 ka metros ang katas-on sa gikan sa summit crater niini. Sumala sa Philippine Institute of Volcanology and Seismology-Department of Science and Technology (PHIVOLCS-DOST), nagpabiling gipasaka sa Alert Level 2 ang bulkan, nga nagpasabot sa padayon nga moderate nga kalihokan ug posibilidad sa kalit nga pagbusikad.
Gitambagan ang publiko nga dili mosulod sa 4-kilometer Permanent Danger Zone tungod sa posibleng peligro sa kalit nga pagbuga og abo ug posibleng pagdahili sa mga pyroclastic materials.
Natala usab sa ahensya ang miaging mga pagbusikad niadtong Hunyo ug Disyembre 2024, ingon man sa Abril ug Mayo 2025, nga nakaapekto sa libo-libong residente sa Negros Island.