Gitigbas sa usa ka lalaki ang usa ka motorista samtang sakay sa iyang motorsiklo sa Purok 16, Musuan, Barangay Dologon, Maramag, Bukidnon pasado alas 8:00 sa gabii niadtong milabayng adlawng.
Giila ang biktima nga si alyas Berto, 43 anyos, residente sa Purok 7, Barangay Linabo, Quezon, Bukidnon, samtang ang suspek mao si alyas Ricky, 37 anyos. Sa imbestigasyon sa kapulisan, nasayran nga gipahunong sa suspek ang biktima samtang nagmaneho kini sa iyang motorsiklo ug nangutana sa iyang pagkatawo tungod kay dili kini pamilyar sa lugar. Apan atol sa ilang panag-istoryahanay, nahitabo ang dili pagsinabtanay.
Gipahayag sa suspek nga ang biktima kuno unang misulay sa pagtigbas kaniya, hinungdan nga mibalos siya ug gitigbas ang biktima nga naigo sa abaga. Human sa insidente, nakahigayon sa pag-ikyas ang biktima ug nangayo og tabang sa mga duol nga residente ug dayon gidala sa balay tambalanan.
Samtang, boluntaryong nitahan sa mga niresponde nga pulis ang suspek aron atubangon ang imbestigasyon sa maong insidente.