Misangpot sa dugang kasiguruhan sa probinsya ang boluntaryong pagsurender sa usa ka sakop sa armadong grupo sa Bukidnon, nga nagpakita sa kagustuhang mobiya sa kalihukan ug mamahimong kabahin sa malinawon nga katilingban.
Misurender ang 46-anyos nga lalaki nga giilang alyas “Matigdo,” sakop sa Milisya ng Bayan sa kanhi grupo nga SRSDG Peddler, SRC2 sa NCMRC, niadtong Hulyo 31, 2025 sa alas 4:40 sa hapon.
Gipasiugdahan sa Bukidnon 2nd Provincial Mobile Force Company, uban sa nagkadaiyang ahensya ang maong operasyon sa pagdumala sa kaluwasan niini. Gikustodiya na si alyas “Matigdo,” sa Bukidnon 2nd PMFC alang sa debriefing ug profiling isip kabahin sa standard procedure sa PNP.
Gihangyo sa kapulisan ang ubang sakop sa armadong grupo nga mosunod sa maong lakang ug mopili sa dalan sa kalinaw.Â