Missile debris sa Iran miigo sa residential area sa Doha Qatar

Gikompirmar sa mga residente sa Doha City nga milanding sa residential area angdebris sa missile nga gipabuto sa Iran padulong sa Al Udeid Air Base sa Qatar.

Ang kadaot navideohan sa mga residente.

Una nang namahayag ang Qatar nga ang debris maoy resulta sa interception sa air defense system sa ilang nasud dihang milusad sa coordinated missile strikes ang Iran batok sa mga base militar sa Amerika sa Gulf region, lakip na ang headquarters sa U.S. Fifth Fleet sa Bahrain.

Hinoon, namahayag ang mga opisyal nga, wala pa’y kumpirmadong casualty sa Qatar, apan ang insidente nagpalalom sa kahadlok nga ang panagbangi mahimong mosangko sa kinabuhi sa mga sibilyan.