Nahimong mainit nga hisgutanan sa usa ka sikat nga talk show sa Thailand ang talagsaon ug katingad-an nga tanyag sa usa ka 31-anyos nga asawa nga giilang si “Kwang,” kinsa nagtanyag nga ipaabang ang iyang bana nga usa ka pulis ngadto sa kabit niini sa kantidad nga 30,000 Baht o gibana-banaang P47,000 matag bulan.
Human sa napulo ka tuig nga kaminyuon ug tungod sa pagduda sa sige og uli og lawom nga gabii sa bana niini niadtong 2025, nigasto si Kwang og 10,000 Baht matag adlaw para sa usa ka private investigator hangtud nga nasakpan ang duha sa usa ka condo sa Ramkhamhaeng.
Samtang daling nisugot ang kabit sa maong areglo ug namahayag nga dili problema ang kwarta, hugot nga miprotesta ug wala nisugot ang mismong bana sa maong kasabutan, hinungdan nga mas misamot pa ang tensyon sa ilang relasyon nga karon nahimo nang sentro sa atensyon sa publiko.