Nakadawat ang Filipino social media influencer, aktres, ug personalidad sa telebisyon nga si Mika Salamanca, og mga bulak kon bouquet ug rose petals atol sa Valentine’s Day.
Una niining gituohan nga usa kini ka romantic nga sorpresa, apan nasurprisa kini sa dihang nahibaloan nga ang delivery pinaagi cash on delivery kon COD, nga nagpasabot nga kini mismo ang mobayad sa kantidad sa mga bulak ug rose petals sa pag-abot niini kaniya.
Gipaambit kini ni Mika, ang maong panghitabo sa social media, diin gipakita ang katingala ug humor sa sitwasyon, hinungdan nga dali kining mikatap ug nahimong viral.
Gikaingin nga ang content creator nga si Von Razo ang anaa sa luyo sa maong delivery, nga dugang nakapukaw sa interes sa publiko tungod sa dili kasagarang pamaagi sa Valentine’s “surprise”.