Gipagawas na sa Department of Budget and Management (DBM) ang midyear bonus alang sa mga kwalipikadong mamumuo sa gobyerno sugod sa Mayo 15 ning tuiga.
Ang maong insentibo gihatag ngadto sa mga empleyado nga nakatrabaho og dili moubos sa upat ka bulan gikan Hulyo 1, 2024 ug nagpabilin nga aktibo hangtod Mayo 15, 2025.
Lakip sa makadawat niini ang mga empleyado sa executive, legislative, ug judicial branches, mga State Universities ug Colleges, ug mga Local Government Units kon (LGUs).
Lakip usab ang mga military ug uniformed personnel sama sa AFP, PNP, ug uban pa.
Matud pa, gisiguro sa DBM nga andam na ang pondo ug gi-awhag ang tanang ahensya sa gobyerno nga paspasan ang pagproseso sa pagpanghatag sa bonus aron magamit dayon sa mga mamumuo sa ilang personal nga mga panginahanglanon.