Nabiktima sa ransomware ang mga dagkong tugpahanan sa United Kingdom, Germany ug Belgium.
Kini sumala sa imbestigasyon nga gihimo sa European Union Agency for Cybersecurity kon ENISA.
Apan wala hisgoti sa ahensya kung diin gikan ang giingon nga mga cyber attacks.
Sukad kaniadtong Biyernes, daghang mga flight sa dagkong mga tugpahanan sa Europa ang nakasinati og mga problema sa ilang mga automated check-in system.
Taliwala nga nahibalik na sa normal ang mga flights, adunay pay daghang mga flight sa Berlin Brandenburg Airport ang nagkaproblema sa ilang mga sistema sa pag-check-in.
Giangkon usab sa ahensya nga karong tuiga lamang, ang nagpaluyo sa ransomware nakakakuha na og kantidad nga mukabat sa $238 bilyon.
Gikaingong ang katuyoan sa ransomware mao ang pagkuha sa mga sistema sa kompyuter aron nga hangyuon ang hacker diin magbayad og milyon-milyon aron malukat ug mabawi ang mga nawala.