Nakadiskobre og pamaagi ang mga drayber sa taxi sa Kandahar, Afghanistan aron mapugngan ang sobrang kainit nga milapas og 40°C, pinaagi sa paghimo og mga pinasikad nga air cooler gamit ang karaan nga mga baril ug tubo.
Napamatud-an nga mas epektibo ang ilang gipatuyok nga homemade cooler kaysa kasagarang air conditioning system sa sakyanan.
Gitaod kini sa atop sa ilang mga taxi gamit ang sticky tape ug giimprovise ang sistema, lakip na ang tambutso.
Gikinahanglan usab nga pun-on og tubig ang cooler kaduha sa usa ka adlaw aron mapadayon ang pagpabugnaw niini.
Mihakot og suporta sa ilang mga pasahero ang maong paningkamot sa mga drayber, nga miimbento og nangita og pamaagi aron maprotektahan ang ilang kaugalingon ug pasahero batok sa init.
Ang Afghanistan nailhan nga usa sa labing kabus nga nasud sa kalibutan ug usa sa labing grabe nga naapektuhan sa epekto sa klima.
Base sa datos sa UN Food and Agriculture Organization, nasinati sa nasud ang labing init nga rason sa halapad nga kadaot nga nakaapekto sa mga mag-uuma.
Tungod sa kasamtangang pamunuan sa Taliban sukad sa 2021, wala na naapil ang Afghanistan sa mga opisyal nga panaghisgot sa UN bahin sa klima bisan pa sa grabeng epekto nga ilang nasinati.