- Advertisement -
Pasakaan og tukmang kaso ang mga tawong nanguha sa mga produktong delata nga nahulog gikan sa naaksidenteng truck sa Casisang, Malaybalay City, Bukidnon—nga nagkantidad sa kapin 2 milyones pesos ang damyos sa kompanya.
Nahitabò ang aksidente pasado alas 10:00 sa buntag kagahapong adlawa, Hulyo 10, 2025 sa Suarez Hills, diin nawad-an og brake ang truck nga paingon sa San Jose. Nabangga kini sa kasugat nga truck ug nabalintong.
Kritikal ang kahimtang sa helper samtang ang driver anaa sa kustodiya. Gipadayag sa Golden Panda Cagayan Traders Inc. nga ang pagkuha sa hustisya ilawom sa balaod, usa ka lakang batok sa pagpang-abuso sa disgrasya.
- Advertisement -