Sa pagtapos sa ika-upat nga adlaw sa confirmation hearing sa International Criminal Court (ICC), giklaro ni Atty. Proculo T. Sarmen nga ang mga pamahayag ni kanhi Presidente Rodrigo Duterte mahimong gamitong lig-ong ebidensya sa kasong crimes against humanity.
Bisan pa man og gisulti sa kampo sa depensa nga walay “smoking gun” o direktang ebidensya, gipasabot ni Atty. Sarmen nga ang prosecution nagbase sa mga pamahayag sa kanhi presidente nga gihimo sa publiko.
Saysay pa niini adunay upat ka elemento nga kinahanglang mapamatud-an sa ICC ang criminal policy, chain of command o kontrol sa presidente, ang kahibalo sa operasyon ug ang intensyon o criminal mind.
Gikabalaka ni Atty. Sarmen nga tungod kay mga langyaw ang mga huwes sa ICC, posible nilang seryosohon ang mga pulong ni Duterte isip pag-angkon sa salaod.
Matud pa, lahi ang pagsabot sa mga Pilipino sa kinaiya sa kanhi presidente, apan ang mga foreign judges magbase lamang sa mga stenographic notes ug mga nakasulat nga report.
Kasamtangan, ang proseso anaa pa sa pre-trial stage diin ginasusi pa sa korte kung duna bay igo ug sustansyadong basehan aron magpadayon ang full trial sa maong kaso.