Mga opisyales sa DPWH Bulacan, gitangtang na sa serbisyo

Tulo ka mga opisyal sa DPWH Bulacan 1st District Engineering Office ang permanenteng gitangtang sa serbisyo human mapamatud-ang sad-an sa disloyalty, grave misconduct, gross neglect of duty, ug conduct prejudicial to the service.

Giila ang maong mga indibidwal l nga sila si kanhi Assistant District Engineer Brice Ericson D. Hernandez, Construction Section Chief Jaypee D. Mendoza, ug Accountant Juanito C. Mendoza.

Gawas sa dismissal, ang tulo gihatagan usab og perpetual disqualification sa bisan unsang posisyon sa gobyerno ug mahimong mag-atubang og managlahing kasong sibil o kriminal.

Kabahin niini, takna sa alas-10 sa buntag, gibalik na sa Senado si kanhi Bulacan assistant district engineer Brice Hernandez human sa pagdungog karong adlawa sa Pasay Regional Trial Court Branch 112 kalabot sa iyang gi-file nga Writ of Amparo petition.

Gipaulwom usab si Hernandez sa medical examination human siya ibalik sa Senate detention facility.

Sa sulat nga gisumite sa iyang mga abogado kang Senate President Vicente “Tito” Sotto III, naghangyo ang kampo niini nga dawaton pag-usab si Hernandez sa Senate Detention Facility.

Subay niini, nagpagawas usab si Senador Rodante Marcoleta og iyang panlantaw kabahin sa testimonya ni Hernandez diin gibutyag niini nga adunay sablay ang natigayong proseso.

Dugang pa sa senador nga gikwestiyon usab niini ang desisyon ni Senate President Vicente “Tito” Sotto mahitungod sa pagutgot kang Hernandez nga pagbalhin sa usa ka detention facility. Apan wala matud pa kini gibali-bali ni Sotto.