Misaka na sa kapin 116 ka tao ang namatay, lakip na ang pito ka bata, sa nagpadayong protesta batok sa gobyerno sa tibuok Iran, sumala sa US based Human Rights Activists News Agency kon HIRANA.
Base sa datos sa HIRANA, muaabot sa 2,639 ka tao ang giaresto samtang nagpadayon ang protesta nga miluntad na sa ika-14 ka adlaw.
Samtang aduna usab natala nga 109 ka myembro sa security forces ang napatay sa maong protesta.
Subay niini, gikataho usab nga adunay halos kapin sa 60 ka oras nga pagkaputol sa internet sa Iran diin gituohang usa kinika lakang aron mapunggan ang pagkaylap sa impormasyon ug koordinasyon sa mga raliyista.
Nagsugod ang mga protesta kaniadtong miaging Domingo sa Disyembre, 2025, human nagmartsa ang mga residente sa sentrong bahin sa Tehran batok sa gataas nga inflation ug padayon nga pagkunho sa nasudnong kwarta nga rial.
Lakip sa mga panawagan nga gipangusgan batok sa gobyerno ang pagtangtang sa Islamic Republic.
Gipangunahan usab sa Supreme Leader nga si Ayatollah Ali Khameniei ang gipahigayong operasyon aron hunongon ang maong rally nga gikatahong migamit og tear gas sa pipila ka higayon lakip na an g pagpabuto og pusil.
Gipadayag usab sa mga opisyal ang andam kining paminawon ang mga mulo sa mga lungsoranon sa ekonomiya ug gipasangil ang maong aksyon sa mga “rioter” sa pag-apil sa mga ubang nasud, partikular na ang Estados Unidos ug Israel.
Mipadayag usab ni Presidente Masuod Pezeshkian nga adunay kalabutan ang mga langyaw nga terorista sa maong panghitabi.
Subay niini, misaad kini nga ayuhon sa gobyerno ang nagkagrabeng problema sa ekonomiya sa nasud. Samtang ang Iran nagpasidaan batok sa bisan unsang langyaw nga interbensyon.