Natumbok ang grupo sa mga menor de edad nga nalambigit sa pagpangawat ning dakbayan.
Natumbok na sa kapulisan ang grupo sa mga menor de edad nga nalambigit sa serye sa pagpangawat sa dakbayan sa Malaybalay.
Pinaagi sa pakigkoordinasyon ni Konsehal Royland Orquia ug sa Malaybalay PNP Chief Lt. Col. Joepet Paglinawan, nasayran nga ang mga menor nagtuyok-tuyok sa syudad aron mangawat sa sakyanan ug kabalayan.
Na-identify na ang mga bata, lakip na ang ilang address, ug nasayran nga balik-balik na sila nga nadakpan ug narefer sa ilang barangay.
Gipaningkamotan karon nga marepaso ang curfew ordinance aron maprotektahan ug matabangan ang mga menor pinaagi sa tukmang intervention programs.
Giawhag usab ang publiko nga magmatngon ug mutaho dayon sa kapulisan sa tanang kadudahang lihok sa ilang palibot.