Nagpahigayon og panagtigom ang mga taga-Ukraine aron sa paghandom ug paghatag og pasidungog sa mga nakalas nga sundalo ug mga sibilyan sa ika-upat nga tuig sukad gisugdan sa Russia ang ilang pag-atake.
Napuno sa kaguol ug paghandom ang nagkalain-laing bahin sa nasod, ilabi na sa mga sementeryo diin daghang mga bandera sa Ukraine ang nagwarawara sa mga lubnganan sa mga bayani nga nanalipod sa ilang yutang natawhan. Sa Bucha, gihandom usab ang mga biktima sa giingong pagpang-abuso sa mga tropang Ruso niadtong unang bahin sa gubat.
Matod sa mga report, niabot na sa kapin 55,000 ka mga sundalo sa Ukraine ang nakalas base sa pinakaulahing datos ni Presidente Volodymyr Zelensky, samtang daghan pa gihapon ang gikatahong nawala. Bisan pa sa upat ka tuig nga padayon nga giyera, gipakita sa mga lungsoranon ang ilang kalig-on ug determinasyon nga dili malimtan ang sakripisyo sa ilang mga mahal sa kinabuhi alang sa kagawasan sa nasod.