Gikalipay sa daghang mga katawhan ug opisyal sa Nigeria ang gihimong airstrike sa US batok sa teroristang grupo.
Matud pa sa Nigerian Foreign Minister nga si Yusuf Tuggar nga ang pag-atake sa US nakig-alayon sa gobyerno sa Nigeria.
Gikaingong andam matud pa ang Nigeria nga makig-alayon usab sa lain-laing mga nasud sa pagpakigbatok sa terorismo.
Sa wala pa ang pag-atake, ang Nigeria naghatag usa ka intelligence report sa US.
Gidugang pa niini, nga nakigpulong na kini sa US Secretary of State Marco Rubio sa wala pa ug pagkahuman sa maong pag-atake.
Samtnag sa wala pa ang panagpulong, si Presidente Bola Tinubu mihatag sa go-signal sa US aron ilusad ang pag-atake.
Gihatagan usab niini og gibug-aton nga kini mao lamang ang sinugdanan diin laoman usab nga aduna pay laing hugna sa airstrike nga susama sa gibuhat sa US.
Kahinumdoman nga kaniadtong Oktubre, nagpasidaan si US President Donald Trump nga mabutang sa peligro ang Kristiyanismo sa Nigeria tungod sa grupo sa ISIS.
Nunot niini, nakahukom kini nga ang US kinahanglan mangilabot tungod ang Nigeria napakyas sa pagpahunong sa pagkaylap sa terorismo sa maong nasud.