Gitangtang na sa trabaho ang 9 ka empleyado sa lokal nga kagamhanan sa syudad sa Malaybalay, nagpositibo atol sa mandatory drug testing.
Samtang lakip usab sa gitangtang sa trabaho laing 10 ka empleyado human matud pa wala kini mipakita sa gihahigayong drug test.
Matud pa sa Alkalde sa syudad sa Malaybalay nga si Atty. Jay Warren Pabillaran, nga giapangayoan og rason ang 10 ka mga empleyado apan dili matud pa balido ang mga rason nga gipangluwat niini kansa gidesisyonan sa Human Resources Management Office nga dili na kini ilakip sa ipang-renew.
Ang maong mga gitangtang sa trabaho mga job order ug casual nga empleyado.
Samtang, ang mga regular nga mga empleyado wala pa mipailawom sa surprise drug testing.
Ang maong lakang sa lokal nga kagamhanan sa syudad sa Malaybalay kabahin sa Local Government Unit Internal Cleansing batok sa illegal nga druga subay sa mandato alang sa tanan LGU sa tibuok nasud.