Mga eksplosibo, narekober sa sakyanan sa napatay nga suspek sa pagpamusil sa Temple Israel sa Michigan

Padayon ang mga otoridad sa Michigan sa pagtino sa motibo sa suspek human kini misulay sa pagdaro sa Temple Israel synagogue.

Base sa imbestigasyon sa mga otoridad, nakita gilayon kini sa mga security guard nga nadestino sa maong dapit ug gipusil ang suspek hangtod nga kini napatay.

Hinuon, wala’y naangol sa nahisgutang lugar diin narekober usab sa mga otoridad ang daghang mga eksplosibo sulod sa sakyanan sa suspek.

Daling gipabakwit sa mga otoridad ang mga estudyante tungod sa insidente.

Gipakatap usab sa mga otoridad ang mga personahe sa lugar diin kasamtangang gitino ang motibo sa nasangpit nga insidente.