Nanawagan ang Civil Service Commission (CSC) sa katawhan nga gamiton ang ilang katungod pinaagi sa pagboto karong umaabot nga eleksyon, Mayo 12 aron pilion ang angayng lider nga mudumala sa nasud sa Pilipinas.
Mipagula ang maong ahensya og mensahe nga magkahiusa alang sa kalambuan sa nasud, gidasig niini ang publiko nga moapil ug mahimong aktibo sa election process ug sa pagpili aron masiguro nga walay pagpanikas ug uyon ang matag lakang sa mga pulisiya ug balaod sa maong ahensya.
Gipahimangnuan usab sa CSC ang mga botante nga sundon ang insaktong pamaagi sa pagboto aron masiguro ang malinawon ug hapsay nga pagdumala sa midterm elections.
Kabahain niini, gi-aghat usab ang mga senior citizen, persons with disabilities (PWDs), ug mga mabdos nga muadto sa ilang mga presinto sa sayo pa aron malikayan ang kahuot, diin subling gitugutang makaboto sugod alas-5 sa buntag.
Subay niini, gipahinumduman ang mga botante nga isulod ang ilang ngalan, petsa sa pagkatawo, ug lugar sa rehistrasyon aron makit-an ang tukmang presinto. Kahinumdumang gideklara sa palasyo kagahapon nga special non-working holiday ang adlaw sa piniliay aron hatagan og panahon ang katawhan sa pagbotar.