Gidagsa sa mga meteorite hunter ang county sa Ohio human ang usa ka dako nga fireball mibuto sa kalangitan sa Northeast Ohio sa miaging semana.
Ang maong asteroid, nga gikatahong adunay gidak-on sa usa ka sakyanan, nagbilin og mga tipak sa bato gikan sa kawanangan nga karon gipangita na sa mga eksperto ug mga residente sa tibuok Medina County.
Usa sa mga posibleng fragment ang nakita mismo sa driveway sa usa ka residente, samtang si December Harris, usa ka lokal nga lumulupyo, ang nibutyag nga usa kabuok nga sama kadako sa walnut ang nahulog duol sa panimalay niini.
Sumala ni Ralph Harvey, usa ka propesor gikan sa Case Western Reserve University, ang uban niining mga meteorite mahimong moabot sa gidak-on sa usa ka grapefruit.
Samtang usa sa ka estudyante nga si Evan Waite ang nakakita og 3-gram nga piraso sa luyo sa Sharon Elementary School, human makakaplag ang inahan niini og duha pa ka mas gagmay nga mga fragment.
Tungod sa maong hitabo, nagpahinumdom ang Medina County Sheriff’s Office sa mga hunters nga respetuhon ang pribadong kabtangan human makadawat og mga reklamo sa trespassing, bisan wala pa’y naitala nga mga pag-aresto sa pagkakaron.