Padayon ang pagsaka sa kaso sa mental health sa dakbayan sa Malaybalay diin halos 200 ka pasyente ang magpakonsulta matag bulan sa City Health Office.Base sa record mga estudyante, hamtong ug uban pang less fortunate ang kasagarang apektado niini.
Sa eksklusibong pakighinabi sa Bombo Radyo kay Mhegan Dominguez, Health Education and Promotion Officer III sa City Health Office Malaybalay nga ilang gipakusgan ang mental health programs pinaagi sa pagpaabot ug serbisyo sa komunidad ug pagbisita sa mga tunghaan aron magpahigayon og mental health consultations ug awareness symposiums.
Dugang ni Dominguez nga gidasig ang publiko nga mudangop sa ilang buhatan kung adunay gibati nga may kalambigitan sa mental health aron dayon matabangan sa mga doktor ug mental health professionals nga andam motabang alang sa hingpit nga kaayohan sa pasyente.