Meat inspection sa Syudad sa Malaybalay gipakusgan aron masigurong luwas ang karne sa merkado

Hugot nga gibantayan karon sa City Veterinary Office sa syudad sa Malaybalay ang kalidad ug kaluwasan sa karne nga gina baligya sa merkado.

Sa eksclusibong pakighinabi sa Bombo Radyo Malaybalay kay Dr. Omar Cahanap, tigpamaba sa buhatan, istrikto nilang gi-implementar ang mga lagda sa pag inspeksyon ug pag-monitor sa karne aron masiguro nga limpyo ug luwas kini para sa konsumidor.

Pinaagi sa regular nga meat inspection ilang gisiguro nga ang tanang karne nga moabot sa merkado nag-agi sa City Slaughterhouse ug adunay saktong dokumento lakip na ang meat inspection certificate.

Gipahimangnoan sab ang mga mamaligyaay sa karne nga likayan ang pagbaligya og karne nga wala moagi sa hustong proseso kay kini delikado ug batok sa balaod.